Category: General

ഗ്വാളിയോർ: മധ്യപ്രദേശിലെ ഗ്വാളിയോറിൽ നിയന്ത്രണം വിട്ട ട്രക്ക് ആൾക്കൂട്ടത്തിനിടയിലേക്ക് ഇടിച്ചുകയറി 13 പേർ മരിച്ചു. 39 പേർക്ക് പരിക്കേറ്റു. ഇന്ന് പുലർച്ചെ 1.30-ഓടെ ശീതള മാതാ ക്ഷേത്രത്തിന് സമീപം ഒത്തുകൂടിയ ഭക്തർക്കിടയിലേക്കാണ് ട്രക്ക് പാഞ്ഞുകയറിയത്. നെല്ല് കയറ്റി ചിന്നോർ ഭാഗത്തുനിന്ന് വരികയായിരുന്ന ട്രക്ക്, ഭാരമേറിയ വാഹനങ്ങൾക്ക് പ്രവേശനമില്ലാത്ത കുത്തനെയുള്ള റോഡിൽവെച്ച് നിയന്ത്രണം നഷ്ടപ്പെട്ട് അപകടമുണ്ടാക്കുകയായിരുന്നു. പരിക്കേറ്റവരെ ആശുപത്രിയിൽ പ്രവേശിപ്പിച്ചു. അപകടത്തിൽ സ്ഥലത്തുണ്ടായിരുന്ന രണ്ട് പോലീസ് ഉദ്യോഗസ്ഥർക്കും പരിക്കേറ്റിട്ടുണ്ട്.

ന്യൂഡൽഹി: റൺവേയിൽ ലാൻഡ് ചെയ്യുന്നതിനിടെ എമിറേറ്റ്സ് വിമാനത്തിൽ പക്ഷിയിടിച്ചു. ദുബായിൽനിന്ന് ഡൽഹിയിലേക്ക് വന്ന വിമാനത്തിലാണ് ഇന്നലെ ഉച്ചകഴിഞ്ഞ് 3.30 യോടെ പക്ഷിയിടിച്ചത്. ഇടിയുടെ ആഘാതത്തിൽ വിമാനത്തിന്റെ നോസ് കോണിന് സാരമായ തകരാർ സംഭവിച്ചതിനെ തുടർന്ന് 14 മണിക്കൂർ വൈകി മാത്രമേ മടക്കയാത്ര ഉണ്ടാകൂവെന്ന് അധികൃതർ അറിയിച്ചു. ക്രൂ അംഗങ്ങൾ അടക്കം 357പേരാണ് 357 പേരാണ് സംഭവസമയത്ത് വിമാനത്തിലുണ്ടായിരുന്നത്. യാത്രക്കാർക്ക് നേരിട്ട കാലതാമസത്തിൽ ഖേദം പ്രകടിപ്പിച്ച വിമാനക്കമ്പനി താമസസൗകര്യം അടക്കമുള്ളവ ഏർപ്പാടാക്കിയതായും വ്യക്തമാക്കി. കഴിഞ്ഞ രണ്ട് വർഷത്തോളമായി വിമാനത്തിൽ…