15 ശതമാനം മഴക്കുറവ്‌; കൊടുംവരള്‍ച്ചയിലേക്ക്‌ രാജ്യം നീങ്ങുന്നു, കാര്‍ഷികമേഖല, ഏറ്റവും കൂടുതല്‍ ബാധിക്കുന്നത് നെല്‍കൃഷിയെ
തിരുവനന്തപുരം: രാജ്യം കൊടും വരള്‍ച്ചയിലേക്കു നീങ്ങുന്നതായി മുന്നറിയിപ്പ്‌. 2015-16 കാലത്തെക്കാള്‍ രൂക്ഷമായ വരള്‍ച്ചയ്‌ക്കാണ്‌ 2026-27 സാക്ഷ്യംവഹിക്കുക. മണ്‍സൂണ്‍ പിന്‍വാങ്ങിത്തുടങ്ങിയതോടെ ഇതുവരെ 15 ശതമാനത്തിലേറെ മഴക്കുറവുണ്ടായി. വരള്‍ച്ച കേരളത്തെയും സാരമായി ബാധിക്കും. ഐ.ഐ.ടി ഗാന്ധിനഗറിന്റെ സെപ്‌റ്റംബര്‍ 16ലെ ഇന്ത്യ ഡ്രോട്ട്‌ മോണിറ്റര്‍ കണക്കുകള്‍ പ്രകാരം രാജ്യത്ത്‌ 52.5 ശതമാനം പ്രദേശത്തും വരള്‍ച്ചാ സാഹചര്യമാണുള്ളത്‌. ഒരു മാസം മുമ്പ്‌ ഇത് 38.9 ശതമാനമായിരുന്നു. ഒറ്റ മാസത്തിനിടെ 13.6 ശതമാനത്തിന്റെ വര്‍ധന. ഇത് അസാധാരണമാണെന്ന്‌ ഐ.ഐ.ടി ബോംബെയിലെ കാലാവസ്ഥാ പഠനകേന്ദ്രം ഗവേഷകര്‍…
